一班由溫布頓球迷組成嘅球隊AFC溫布頓（圖），上周六喺英非聯賽附加賽以0:0打和盧頓後，互射12碼以4:3擊敗對手，奇蹟地下季升上英乙。想當年碧咸半場笠死對手門將蘇利雲，就係呢隊溫布頓，但佢哋03年搬去米爾頓凱恩斯，家喺英甲角逐。班球迷嬲得滯就自己搞番隊波叫AFC溫布頓，點知呢隊由業餘球員組成嘅球隊，用咗9年時間就踢到上職業聯賽嘅英乙。