LouChan陳家裕，不是新一代超級巨星，不是擂台上的魔法小子，他只是打份世人眼中的office工，但卻有本錢惹人妒忌。職位與薪金肯定是80後們會fancy的，包括只須工作五天可有三萬蚊人工，職位——CEO，就算人工未致前仆後繼，但CEO身份肯定夢寐以求。最緊要合乎新一代對工作的要求待遇——最高人工最低工時。
記者：吳美美
攝影：伍慶泉
鳴謝：空中快線
三百揀一
「最高人工最低工時」發夢時都難以遇上，但卻真的出現在小記面前，Imean唔係小記咁好彩得到筍工，而係受訪者阿Lou。前排出現了一個如澳洲大堡礁絕世筍工的香港版，由搵工網站發起計劃，得獎者可以到香港最大團購網站Groupon擔當「影子CEO一職」，只須工作五天就有三萬蚊人工，平均一日六千元，又做高層，如此之筍吸引300人嚟爭實屬正常，LouChan陳家裕就是成功出線，能夠踏入Groupon的人。但短短五日時間，究竟「影子CEO」有咩要做？難道真係落吓order，等到HappyFriday摸摸酒杯底就到人工？不妨先睇右列的LouChan五天工作重點。
單睇工作流程，係唔係心裏面不期然諗：「又直升機又馬會又打Kinect，早知我都去做啦！」事實上，由小記上任日開始追訪阿Lou，作為一個新人，佢嘅表現在水準以上，你估對住傳媒鏡頭講嘢容易呀？單單無又「囉」又「嘅」已要掌聲鼓勵！其實佢自己都認為，對付傳媒係難度最高：「其實心裏面最大的壓力係來自傳媒，唔係傳媒唔好，而係不停地突然問一啲你唔會諗到嘅問題，好似赤裸裸地展示俾人睇。」但仲有一樣：「最難係以一個你剛剛知道的心情，即時轉變去真實工作的空間，要追一個fast-growing的行業，見到身邊同事做嘢都嘭嘭聲，又要赤裸裸又要乜都快，要做影子CEO難度甚高。」
Lou：唔好HardSell！
回歸最初，聽到呢件事，小記只想到負面影響，好似灌輸後生仔搵工最好「高薪厚職」的概念。當然，這思想已被Lou的行動糾正！參賽前他已先行辭去金融投資顧問一職，是社會眼中的搵錢行業，但每日對住螢幕，看似無乜意義，他心深處認為「自己唔止咁多」，所以，未同屋企人講低聲就先斬後奏去應徵。其他後生仔，明白得到筍工前必先犧牲的道理未？
「五天三萬」，看似短視，其實點會咁mean，聽GrouponCEODanny講，佢都想阿Lou表現好，成為公司的一分子，不過相處時間咁短，Danny對Lou有何感想？潛台詞即是有無得留低呢？「佢有好多抱負，我同佢講番我自己的故事時，你會感覺到佢真係好想學，有部份唔想學的年輕人，只係想直接搵到一份好工，是為錢；而Lou就寧願辭職，因為佢覺得呢個係好機會。」Lou又會如何向Danny表現自己？「要爭取Danny的信任，我覺得最緊要係唔好hardsell，這是許多後生仔會犯的錯誤，他們比較急功近利，將自己所知的盡情表現畀機會你的人睇，但我覺得畀個信心出嚟，俾人知道你所信的value係乜會更好。」現在Groupon表示會留下Lou，雙方正商討薪酬及職位。
小意外見EQ
作為一個CEO，雖說只是影子，但最好擁有作為高層的思想，從阿Lou的表現中絕對feel得到，「你唔可以控制天氣，但你可以控制心情。」講得出亦做得到，起碼要心智成熟，EQ高。阿Lou在第一日行程中，發生了不同的小意外，例如不斷落大雨、身份證被出閘機整爛等，但佢面上依然帶住笑容。另外開會時負責presentation，整個過程都非常互動，好肯聽同事帶出嘅問題，亦即時回應及修改，佢完全唔似社會普遍標榜的80後形態。其實就80後呢一點，阿Lou亦有啲睇法：「我自己與不同年紀階層都有討論過呢個問題，可能我哋係一班好激進的人，但其實係源自一種批判性思考，點樣運用呢類思考去做一件更大的事，我覺得係未來社會團體需要放心機去諗嘅問題，從而去得到利益。」第一次聽到咁正面嘅見解，小記好佩服。聽完阿Lou經歷係咪都想試吓呢？CareerTimes的「絕世筍工計劃」陸續有嚟，最快在六月份又推出。
DAY1：
參加傳媒發佈會兼接受訪問
DAY2：
撰寫報告
主持與市場部門會議。
DAY3：
DAY4：
出席總商會午餐講座
講者是阿里巴巴銷售部主管JennyPeng。
DAY5：
工作表現評估及歡送會
大家對阿Lou又有何評價？
