湖人衞冕失敗，教練積遜退休之心堅決，球隊亦開始搵定接班人，上月被火箭炒魷嘅艾杜文（圖）就係最佳人選。據《洛杉磯時報》報道，湖人高層同多位候選人接觸，初步認為艾杜文最合適，因為佢帶過帝王、火箭等球隊，有豐富經驗，壓得住拜恩班大帝；而且艾杜文喜歡採用嘅普林斯頓進攻體系，同積遜以往嘅三角戰術好相似，湖人球員適應方面問題不大。