51歲鍾楚紅近日復出為代言美容產品拍廣告，狀態大勇。為保持靚靚肌膚，紅姑平時亦相當注意飲食。原來，紅姑的美顏養生秘訣是多食藍莓，日前，記者便發現紅姑到跑馬地超市入貨，狂掃大批藍莓及橙，但她難忍旁邊的榴槤味，要掩鼻揀橙。
一代大美人鍾楚紅閒時多是出入名店行街shopping，不過，上周五記者卻罕有地見紅姑現身超市購物。當日下午2時半，紅姑乘坐司機駕駛的黑色audi抵達跑馬地載德街，由於當日全港市民也為晚上攪珠的億元六合彩而瘋狂，而紅姑剛好在投注站對面落車，令記者一度以為紅姑也是買六合彩碰運氣。
冇自備環保袋
不過，原來當日紅姑專程到惠康超級市場購物。一身黑衣打扮的紅姑戴上黑超，她走進超市後即前往揀生果，但由於橙放正在榴槤旁邊，紅姑對榴槤味道表現抗拒，見她揀橙時笑笑口掩鼻，十分搞笑。揀完橙後，紅姑再選購了四盒藍莓，然後便付款離開。不過，一向支持環保的紅姑，今次卻未有自備環保袋，要跟超市購買膠袋。
久久未見司機
紅姑當日狂掃了四盒藍莓，可見她對藍莓特別喜愛。事實上，藍莓營養價值豐富，據講除補眼外，更有抗氧化美白皮膚及防止黑色素形成功效，促進皮膚新陳代謝、修補骨膠原，有助增強皮膚彈性，紅姑多年來保養得宜，深信與進食藍莓不無關係。
紅姑買完生果後，到超市門前等候司機前來接載，由於久久未見司機現身，紅姑遂折返超市邊逛邊等，並打電話給司機問道：「喺邊度呀？」大概數分鐘後，紅姑便登上座駕離開。
採訪、攝影：楊浩賢、朱志聰