Gucci前主帥TomFord前晚東來，城中名人明星均前來朝聖，琦琦更回憶十五年前曾與TomFord及姬蒂摩絲（KateMoss）行騷，她大讚TomFord帥哥，有身材及才華，謙虛有禮，發自內心的charm，不愧是萬人迷。
曾任Gucci主帥，有時裝萬人迷之稱的TomFord，日前來港為時裝店揭幕，繼北京，上海後，前晚現身中環ifc，吸引城中名人明星前來朝聖，包括鄧永鏘、馮國經千金馮詠儀夫婦、徐濠縈、黃偉文、琦琦和周嘉玲等，眾人爭相與TomFord合照留念，隨和的TomFord也來者不拒，盡顯親民外交，樂意被賓客「集郵」。
15年前曾結緣
身穿TomFord白色西裝套裝的琦琦，透露早於1996年已與TomFord結緣，當時TomFord是Gucci主帥，帶同姬蒂摩絲等名模在香港舉行時裝騷，琦琦當年也有份行騷，她說：「頭先同佢影相，佢仲認得我，仲記得我當年着乜outfit，記憶力好好，佢仲講笑話我高，所以要企前一步同我合照。」
琦琦透露當年與TomFord合作的點滴，她說：「其實TomFord好熟香港，因為佢未做Gucci之前，喺香港做嘢，嗰時仲係喺長沙灣返工，佢做騷好nice、好謙虛。」再與TomFord會面，琦琦大讚說：「佢依然咁謙虛，好sincere，發自內心嘅charm，係男女心目中嘅dreamman。」
阿徐讚執導作
此外，阿徐則欣賞TomFord執導的《單身男人》（ASingleMan），她說：「佢50歲仲keep得好好，外國人嚟講係靚仔，我反而欣賞佢內在，佢部戲係我好鍾意嘅同性戀題材，美術指導、衫同演員茱莉安摩亞（JulianneMoore）都好靚，成部戲簡單易明又有美感，對佢個人魅力加好多分。」
採訪：RubyWoo
攝影：ChenWaiOn