只要紐卡素喺英超最後一輪聯賽擊敗西布朗，佢哋嘅肥佬班主艾殊利（圖）就會拎約630萬港元出嚟畀球會啲清潔工人、廚師同訓練場地工作人員等基層抽獎，不過班球員同教練團就冇份。上星期四佢仲同領隊柏祖開會，保證今個夏天會開水喉。而今季為紐記入咗12球嘅路蘭，亦準備接受球會所提供嘅新約，睇嚟下季紐記諗住大展拳腳。