【本報訊】曾經批評80後青年「閂埋門做皇帝」及剛愎自用的唐英年，繼續向年輕人大踩特踩，更反問年輕人要自問為何做不到李嘉誠，惹起新生代極大反彈，社運中人、智庫RoundtableCommunity總幹事林輝直斥唐英年「為開拖而開拖」，卻從未實際了解年輕人有何困境，聲言「作為管治者，佢係嚴重失職，佢要為接二連三咁踩年輕人承擔政治後果。」
只為討好有選票的人
林輝對唐英年的言論表明「好反感」，斥責曾指80後青年「剛愎自用」的唐英年「不斷踩年輕人」，「為開拖而開拖」。
他質疑有關言論對象只是少數既得利益者，「係（討好）一啲有選票嘅人」。
他指唐英年根本不理解年輕人面對的困境與實質訴求，「你咁講係咪話啲年輕人唔夠努力吖，但唔係喎，大家朝九晚九咁返工，都係永遠買唔到樓，香港有幾多個李嘉誠吖？」
學聯代表會主席、前理大學生會會長黃佳鑫不滿唐英年反責年輕人只懂埋怨，並批評唐英年轉移視線，「佢話無地產霸權，但我哋買唔到樓都係因為樓價高，點解佢又唔復建居屋吖？」