隔牆有耳:新疆學生可考港大學 - 李八方

隔牆有耳:新疆學生可考港大學 - 李八方

香港大學成日話國際化,結果非本地生佔八成以上係內地同胞,正所謂耳濡目染,有幾多港生被染紅河蟹真係一個謎,不過嚟緊新學年就可能會有新局面。話說教育部日前公佈,已經報名參加今年普通高校全國統一考試報名的新疆籍考生,終於可以報考香港包括八大在內嘅十一間高等學府,或者過大海報讀澳門嘅六間大學。學校會實行單獨招生,根據考生高考成績同面試表現揀蟀。八方計過數,全國25個省市自治區都畀港校自主招生,不過內蒙古、新疆同西藏呢啲敏感地區就一直唔畀掂,唔知係咪驚被反動知識分子入侵,家連騷亂過嘅新疆都可以開綠燈,港校全國拔尖大計可能好快實現。