高官政客出動撐日食，美其名為本地日式食肆打氣救亡，行內人卻指最惡劣時刻已過，家先撐，政治宣傳味道大過實際需要。雖然生意好轉，但工貿署仍批出基金畀飲食界做推廣刺激消費，八方思疑仲有冇需要咁花公帑。
八方問過一名居酒屋老闆，佢話5月份生意基本上已回復舊觀，與正常比較只係差兩成左右，而且5月向來係淡月，客人少啲份屬正常。地震後傳出不少日式食肆執笠消息，呢位老闆話4月下旬至今，未聽聞有行家拉閘，相信行業危機已過，「家都冇生意嘅，可能要睇吓係咪價錢或質素有問題」。早兩個月全港日式食肆叫苦連天，原來仲有片樂土，就係元朗。行內人指即使地震冇耐，元朗日本菜餐廳仍然晚晚長龍，堪稱奇葩。原因好簡單，價錢平，食材是否日本直送，食客心中有數，因此冇有怕。