喺南非世界盃後不獲阿根廷國家隊續約嘅馬勒當拿（圖），話要告阿根廷足總主席格隆多納誹謗佢吸毒已經係好耐之前嘅新聞，到家老馬終於都出手控告格隆多納。啱啱先同杜拜富豪球隊阿瓦斯簽咗份約2.7億港元教練合約嘅老馬，點解到家先告已經80歲嘅主席呢？好明顯係佢之前根本窮到燶，無錢告人啦，搞到老人家成80歲先畀人告，真係冇陰公！