【本報訊】「差人問佢（神父）攞身份證，佢出示唔到，跟住又畀佢返屋企換衫，先帶返警署……」在李海龍神父涉嫌打人案中，被車撞傷的姓劉事主昨憶述前晚事件經過時，對警方初時要他們與神父互相道歉的調解手法不滿，認為有欠公允，「唔係我哋錯，點解我哋要道歉？」
稱被車門傷背
用手機拍攝神父時，報稱被神父駕駛的私家車車門碰傷背部的劉先生，指警員向事後駕車折返的神父查問後，有警官企圖調解。
警員向劉及其姓黃友人稱：「佢（神父）係有頭有臉嘅人，佢肯同你哋講對唔住，但要求你哋都同佢講對唔住。」兩人認為不合理而拒絕接受。
劉又對神父於出事後竟然駕車離開現場感愕然，他說：「出咗事不顧而去，若係普通人，可以理解，但作為神父，唔應該逃離現場，咁樣好唔負責任……就算大家有嘈吵，都冇理由出手打人。」