小馬暫時喺西岸決賽領先雷霆場數2:1（未計今早賽果），之不過小馬後衞泰利（圖）已經將總冠軍嘅圖案紋咗落右手手臂上，日前仲好寸咁展示佢嘅手臂肌肉。泰利解釋佢咁做絕對唔係冇吸取06年總決賽反敗予熱火嘅教訓，只係外界永遠都唔相信小馬可以做到咩嘢成績，首圈鬥拓荒者、次圈鬥湖人時，就已經俾人覺得一定出局，所以要紋身激勵吓士氣喎！