評級機構惠譽將希臘長期外幣同本土貨幣違約評級下調至B+，令上禮拜五花旗股市結束反彈，道指跌93點，報收12512。其實希臘評級會被下調係預期之內，花旗股市調整只係未能突破阻力位借消息調整，12400支持力強，暫可守得住。
港股上日窄幅上落，市場觀望氣氛仍濃厚，花旗股市回落會令今早港股偏軟，喺成交淡靜嘅情況下，港股會趨個別發展。
東風C輪28039：東風集團（489）上日報收13.62元，升1.7%。股價近日由低位回升，技術走勢轉強，喺大成交支持之下，已經重上100日線樓上，技術上有力反覆上試15元，可以諗吓隻C輪28039。
隻輪現價14.4仙，2011年11月7日到期，行使價15元，溢價20.7%，引伸波幅52.3%，槓桿率9.5倍（有效4.4倍），正股升上15元，28039有機會升5成，見21.6仙，短炒算吸引，正股跌穿12.90元就沽咗隻輪。
俊樺