人生怎會只得甜味？真正甜的感覺與回憶也絕對是迂迴曲折的。對拿手經營品味的郭志怡（BonnieGokson）來說，她的甜味是尾站，之前辛苦、腌尖、有要求經營的過程，最後美滿結果才是真正的甜入心。不是人人會將珍藏公諸分享，Bonnie卻願意將她珍藏的創意、閱歷、堅持化成精美雅致如同藝術品的甜品蛋糕，慷慨分享sweetness，因為，她的精品蛋糕店MsB'sCakery已正式進駐中環。 採訪：MichelleLeung
時裝女王JoyceMa胞妹郭志怡，以自己名字命名的MsB'sCakery開幕與威廉王子與凱蒂的婚禮同日舉行，不一樣的喜氣洋洋，同樣的甜甜蜜蜜。Bonnie形容這間座落於中環歌賦街、只做takeaway的小餅店為她的中央廚房，連接地舖是樓高數層的小唐樓，內裏員工密密做出外觀與味道均達artpiece水準的甜品蛋糕。
見識衍生創意
千金出身的Bonnie落場做事的認真幹勁比任何人都要熱情，她自己剖析說：「我着眼點唔係搵錢，我追求嘅係完美，有人欣賞讚一句對我嚟講開心過賺大錢，同埋我更享受當中由零到實現到一件事嘅過程，喺裏頭得到嘅自由同靈感，或者咁講，錢人人都鍾意，但係錢買唔到我累積番嚟嘅教養，因為我從來唔需要fightformoney，幾上等嘅享受好似私人飛機，我都享受過，但係我最treasure嘅始終係自由、創意、靈感同refresh，正如我哋家係賣蛋糕啫，唔止，我哋嘅work係包括creativity、heart、craft同package，將所有元素puttogetherinapicture。」
Bonnie自評廚藝不差，但當然未屬職業水準，如何與製餅團隊集體創作？她說：「實際技術上係未必關我事，但係我敢講啲師傅未必有我呢一生見過嘅見識，我將我見識過、喺腦裏面嘅嘢同佢哋嘅technical結合埋一齊，就係最完美嘅work，我哋最少試六次味，反覆搵吓件蛋糕邊層仲欠邊種味，好似我有朋友同我講：『有咁多易賺錢嘅生意你唔去做？使乜好似家咁辛苦？』」
滿足來自顧客
「但係我就係樂在其中，人生唔止得sweet同happy，一定有酸有苦、有受傷呢啲嘢圍住你，先至係人生，人生如戲，我就係要睇自己點樣去演一齣豐富情節嘅電影，對我嚟講，開心辛苦咁做嘢之後，得出嚟嘅結果達到我要求嘅，就係最甜！」
Bonnie續說：「好似好多客食過我哋嘅蛋糕，會寫信、email鼓勵讚我哋：『你哋嘅蛋糕令人好開心！』淨係咁樣一句，已經開心過賺錢啦！我就諗，原來做少少嘢，做個蛋糕出嚟，已經可以令人開心，你話幾振奮。」
小店更顯心思
MsB'sCakery的成立，是由於蛋糕在她的餐廳Sevva根本供不應求，所以決心擴大市場，選址在中環歌賦街開一間小店，旁邊就是製餅廚房，她說：「呢度係我哋嘅中央廚房，揀喺呢度我覺得呢條街好有性格，有啲街坊味道、又中西合璧，好charm，香港幾多大大大到好似足球場嘅mall，都唔會係我嘅選擇，冇靈魂！同埋呢個階段都交唔到大mall嘅租金，更加要beinghumble，有次我隨口同家姐（JoyceMa）講家呢間舖連廚房，得1,800呎，豆丁咁細！家姐同我講：『Youshouldnotsaythis,itsapalace,it'snotsmall（妳唔應該咁講，呢度係皇宮，呢度唔細）。』家姐睇到我畀幾多心機落Sevva同呢間蛋糕店，佢好戥我開心。」
最後要Bonnie總結除了工作成果外還有甚麼於她最甜？她說：「都係簡單不過嘅嘢，每晚瞓得好，一起身聽見雀仔叫聲，清清靜靜咁諗嘢，sosweet！」
MsB'sCakery
地址：中環歌賦街39號
從餐廳到餅店
多謝郭志怡！從她的Sevva（圖）到現在的MsB'sCakery，令充斥即食、大量生產、看似很多選擇，其實選擇不多的香港餐飲業中，返回一個高尚、雅致、品味，更重要是心思滿瀉的空間。
如郭志怡所言，由她與團隊們創造的精緻蛋糕甜品是以強烈的顏色、細緻的層次口感為本，當然還有最重要的heart、craft及package，從世界各地搜羅不同的優質天然原材料，也有供應無糖及不含麩質的甜品。
吃下啖啖創意
郭志怡炮製精美蛋糕之餘，還逐一命名，放進口的時候就是於loveatfirstbite，至今創作達30多款，包括以下的星級滋味之選：
桃紅貨車送甜美
賣相與口感同時滿分的甜品蛋糕，在中環太子大廈Sevva達到供不應求是事實，所以也催生了MsB'sCakery的出現，擴大市場動作除了於歌賦街的外賣小店外，也接受預訂服務，歡迎各企業集團及其他餐廳落order，一輛輛桃紅色MsB'sCakery貨車已準備就緒，將芬芳甜味送到顧客手上嘴裏，採訪當日，名車也一輛接一輛泊於歌賦街上，不少名人駕臨這小街，為的是親身挑選精美蛋糕回家大快朵頤。
