阿仙奴19歲新星韋舒亞（圖），日前畀記者影到佢同大緊肚嘅前女友羅倫一齊去購物。一名韋舒亞好友話：「韋舒亞最近同佢青梅竹馬嘅前女友行得好埋，只要佢唔使訓練同比賽，都會陪伴前女友左右。」除咗陪前女友上產前班外，羅倫亦有喺twitter話韋舒亞煮餸畀佢食，仲講笑話佢食完可能中毒㖭，照咁睇嚟佢哋復合嘅可能性都幾高喎。