三折套餐抗高溫　洗得晶明

三折套餐抗高溫　洗得晶明

夏日殺到，雖然香港未有洗車公司好似美國咁出動比堅尼少女洗車作為必殺技，但以三折價錢吸引車主享用有抗UV功效的OG高溫四重水晶蠟套餐，男士們一樣會流晒口水。加埋洗車步驟逐個捉，包你會好好收藏今日呢版夏日洗車秘笈。

記者：許維雅
攝影：林栢鈞　
模特兒：梓菕、Christina@EliteModel

靚車唔怕曬　打蠟保顏色

夏天又熱又曬，仲要經常無啦啦整場過雲雨，架車都咪話唔傷。NTI快速汽車護理推出的OG高溫四重水晶蠟，就係針對夏日猛烈陽光，為車身加一層抗高溫保護膜防UV，減低車身漆面褪色的速度，又可減低酸雨對車漆的侵蝕，確保車身保持原有的顏色及亮度。現在NTI更為《蘋果日報》讀者推出夏日大優惠，只要攞住今日呢版報紙到NTI，只需要$1,000就可享用原價$3,550的OG高溫四重水晶蠟套餐，價錢低於三折，聽見都透心凉。不過大家唔好咁心急，今日未試得住，因為優惠於星期六不適用，同埋一定要預約！

■比堅尼少女洗車有幾吸引？睇吓呢班唔怕上鏡都要舉機影相的大哥就知！

台日汽車用品老闆輝哥
近年多咗好多人鍾意自己洗車，所以洗車用品都越出越多，五花八門。

Pat姐（NTI負責人）
勿在陽光猛烈下洗車，高溫車身好易令清潔劑蒸發，導致一個個印留喺表面。

OG高溫四重水晶蠟套餐

套餐包括OG高溫四重水晶打蠟一次；電腦洗車、車身專用OG清潔泡泡及水蠟；吸塵、洗車底；內外玻璃窗及儀錶板清抹；車廂空氣淨化；清潔車軨及光亮輪胎。（大車需另加$100）

原價$3,550
讀者優惠價$1,000

半價OG電腦洗車全套

想有比堅尼少女洗車？發夢先啦！不過OG電腦洗車一樣可以令你興奮，因為讀者可以半價$75，享用原價$150的OG電腦洗車全套，包括車身專用OG清潔泡泡連水蠟、吸塵、洗車底、車廂空氣淨化、內外玻璃窗及儀錶板清抹。

條款及細則：
．優惠有效期至2011年6月15日止。
．優惠不可兌換現金，不可更換其他產品。
．如有任何爭議，NTI保留最終決定權，《蘋果日報》概不負責。
．預約及查詢：NTI快速汽車護理（23452193）
．地址：九龍觀塘創業街34號地下

洗車逐Part搞
車身清潔篇

Pat姐教路話洗車身時亦切忌打圈，應以左右或者上下方向洗擦，否則容易出現蜘蛛網紋。而輝哥大讚日牌汽車產品的確好使抵用，講究啲會選用Meguiars，貪平一族會揀龜牌。

■Rinrei二合一洗車蠟水有去花痕功能，還細分深淺色車身顏色。各$78/a

■MeguiarsNXT洗車蠟水套裝，新一代研發令亮度持久兩倍。$290/a

■價錢經濟的龜牌向來多人用，Turtle洗車打蠟二合一清潔液。$38/b

■3M清洗、拋光及保護三合一清潔液，省卻唔少工夫。$89/b

胎軨清潔篇

洗車往往最難搞係條金屬軨，黏滿迫力粉同油污，市面有好多唔同類型分解迫力粉的清潔劑。車胎就以增強亮度的清潔液為主。Pat姐教路勿用力擦條軨，會好容易產生花痕，引致更多污迹及迫力粉藏於花痕內。

■Rinrei洗胎軨同樣講究，先用右邊清洗車軨污迹，再噴上左邊的光亮保護上車胎。（右）$65（左）$95/a

■OG二合一洗車泡泡蠟水及軨霸去迫力粉胎軨清潔劑。每套$98/c

■MeguiarsHotRims洗軨清潔液，有效分解迫力粉。$88/a

■BULLSONE車胎清潔保護膜，屬較少見的韓國出品。$55/b

玻璃及內櫳清潔篇

大部份玻璃清潔液都標榜水滴跣水程度；而內櫳則以膠面防老化的清潔劑為主。Pat姐教路小心用水滴效果的玻璃清潔劑，很容易殘留油膜阻礙行車視線，謹記唔好漏洗水撥。

■專造玻璃水滴護膜的CCI，玻璃清潔液連絨面刷頭二合一，雨天用最好。$185/a

■RinreiPolix膠面防UV保護清潔劑，減低陽光老化膠質。各$65/a

■一濕一乾即棄抹布套裝，內附方形棉塊方便抹玻璃。$48/b

■OG綠霸去油清潔劑以環保成份清洗內櫳及皮椅。$30/c

工具篇

■UNITOP鹿皮抹布標榜不傷車身，吸水性及吸塵力特強。$120/a

■日牌特長水刮有40厘米長，備三個角度調校手柄方便握緊。$58/a

■WingSix花灑頭有六種出水力度調校，容易控制。$175/a

■CARMATE極細纖維去油污抹布，引擎及機件等位置專用。$58/a

■三款不同尺碼的軟刷，令車主更容易清洗車身唔同位置。$49/b

■水桶連兩個雜物籃，正方平坦的水蓋設計方便企上去洗車頂。$168/a

查詢：
（a）23924244台日汽車用品
（b）23910370AES汽車用品
（c）23452193NTI快速汽車護理