由於噚晚一期嘅六合彩，彩金高達一億，結果搞到全城瘋狂，好多藝人都去買一份，前日本報請咗18位藝人包括周秀娜、陳慧琳同楊千嬅等，各自畀咗6個幸運號碼出嚟送畀本報讀者碰吓運氣，結果薛家燕貼嘅6個號碼中咗3個，包括係15、30同48，有40蚊彩金。好姨話：「哈哈！中三個咁好呀！我自己都叫個女買咗，冇理由自己唔買o架！」
