特首辦心戰室中嘅一名猛將、助理新聞處處長（傳媒）丘卓恆，原來6月底就會暫別近三年嘅特首辦，獲政府推薦到美國哈佛大學進修。每一年被政府推薦放洋留學嘅政務官，都被視為明日之星，前途無可限量，阿Vic今次有份去哈佛，睇怕之後仕途一片光明。最有可能好似佢師兄、即係當年嘅助理新聞處處長（傳媒）陳羿咁，哈佛歸來後就做北區民政專員，喺北區務實打拼一輪後再返政府山任高職。
阿Vic告別後，特首辦終於唔再係全男班，因為佢嘅接班人係勞工及福利局首席助理秘書長（福利）何小萍，為煲呔嘅夕陽任期內創出一個小突破。
mailto:[email protected]