明星風采呢家嘢，唔係人人有，就算你點好波，可以係球王，但未必會係明星；而前日本中場中田英壽嘅明星風采就真係好懾人。記得喺98世界盃，我媽咪透過電視直播，已經話覺得中田好型，而事隔十幾年，我個得5歲嘅姪女喺電視見到中田賣嗰個汽水廣告，都話呢個哥哥好厲害，好鍾意佢，搞到我心郁郁，想喺月尾去捧傑志場，現場一睹呢名日本國寶嘅風采。唔知大家仲記唔記得，中田曾經效力過英超保頓，仲因為咁，講得一口流利嘅英式英語。喺周日英超煞科日，保頓會迎戰曼城，曼城話就話要力保第3位，但隊波作客始終麻麻，反而保頓不時會喺主場畀到球迷驚喜，一於捧保頓[+1]開「主勝」。
吾中
星期日19
保頓vs曼城
心水：保頓勝[+1]
心得：保頓夠硬淨