「你個女嘅檢查報告出咗，帶你個女嚟醫院見醫生啦！」焯思媽媽昨日喪女後突然收到屯門醫院來電，頓時欲哭無淚。她直指屯門醫院錯失害死她的女兒。80歲的黃爸爸更表示要為死去的女兒討回公道：「我要追究責任，要佢（屯門醫院）交代，點解佢（醫生）話我個女冇事、一切正常，幾個鐘頭就冇咗個人……死咗！」
「淨係想要番個女」
焯思日前由媽媽帶往私家診所佩戴心律監察器做檢查，診所之後將檢查數據送交屯門醫院分析，屯門醫院昨日不知焯思猝死，致電通知焯思媽媽稱報告已完成。可是焯思已經等不到，焯思媽媽哭訴：「我唔想知個報告講乜，淨係想要番個女！」
病人權益協會幹事彭鴻昌指出，事件反映政府醫院人手緊絀：「好似check（檢查）心電圖同電腦掃描，如果係非緊急個案，等半年都好正常。」彭鴻昌說，屯門醫院是新界西醫療聯網的龍頭醫院，整個新界西100萬人口，要做深入檢查的都要到那裏，而屯門醫院長期資源不足，全院只有一部磁力共振機，直至早前才獲立法會撥款多買一部。
《蘋果》記者