「噚晚仲攬住思思睇電視，佢話有爸爸媽媽錫好幸福，仲叫我佢、抱佢，點知朝早就走咗！」焯思媽媽十分痛錫獨生女兒，上月其報紙檔結業，多了時間陪女兒，日日煲湯、煮糖水給女兒，一家人盡享家庭樂。媽媽想不通，何以前日醫生還說女兒健康，豈料女兒出院幾小時就在睡夢中走了。她要為女兒追回公道之餘，更嗟嘆自己愛得太遲：「點解我可以畀幸福佢，佢唔要呀？」
不准爸爸執紙皮
黃媽媽想起前晚凌晨與女兒最後一抱時哭成淚人：「當時我同佢一齊睇電視劇《笑着活下去》，佢笑住話家好開心，仲突然話要媽媽抱抱，我笑佢：『你咁大個女仲嗲媽咪嘅』。」當時甜在心的黃媽媽將女兒擁入懷中。「思思仲話長大之後，要搵工養番爸爸媽媽。」兩母女有說有笑，夜漸深，思思就在媽媽懷內睡着。
黃媽媽續稱，蝸居狹窄，加上女兒漸長大，兩夫婦已把睡房床讓給女兒，自己睡在地上。她怕回家睹物思人，昨晚搬到親友家暫住。
昨日揭發女兒猝死的黃爸爸亦痛在心，思思出生時他已逾60歲，視女兒為掌上明珠。他至今仍無法承受「大大隻隻嘅女兒突然走咗」。
上月報紙檔結業，他擔心手停口停無法供女兒上大學，最壞打算是拾紙皮養家，當日思思聞言即反對：「唔准爸爸咁辛苦，唔准你執紙皮，我讀到中三就夠年齡搵嘢做，養番你哋啦！」黃爸爸憶述舊事老淚縱橫，他稱讚女兒懂事又生性，偏偏惡運降臨她身上，天意弄人。
焯思死訊傳出，光明學校多名同學及田徑隊隊友傷心不已。焯思去年心直口快得罪多年好友Doris，兩個小女孩從此鬧心病，昨日Doris得悉故友猝死，傷心地說：「我原諒你啦！」可惜焯思已逝，令她終身遺憾。
《蘋果》記者