徐濠縈、李璨琛及黃偉文（Wyman）等前晚在銅鑼灣出席眼鏡活動，他們各自拍攝出位宣傳照，阿徐被大風機狂吹至眼乾，李璨琛被藍色漆油淋身，連事後清洗共花了八小時，Wyman則將全身髹成銀色，他謂起初聽得此概念就想起徐錦江嘅寫真，幸好出來效果不同。
阿徐則謂拍廣告很辛苦，她說：「我又心急，開工就想收工。」她謂今次酬勞只是朋友價，問到近來多工作，收入是否比老公陳奕迅還多，阿徐說：「冇可能，我唔使超越佢，太辛苦，呢個第一留畀佢，我拍半日都已經叫救命，一開工就掛住個女，OT黑面想走，個女打電話嚟催我返去，又問點解唔係爹哋賺錢，媽咪嘅工作係陪佢玩。」
採訪、攝影：馬建華