美國駐港總領事楊甦棣噚日狠批內地人權狀況，對香港人權狀況就比較留手，原來背後有段古。佢噚日自爆，上星期去內地一個省市訪問當地商界領袖，發現當地經濟繁榮，充份顯示中國改革開放嘅成就。
點知夜晚返到高檔酒店，扭開電視機睇CNN後，先發覺有唔妥，「CNN播放一個藝術節目，講艾未未喺紐約有展覽，突然成個螢光幕變黑」。對CNN都俾人河蟹，楊甦棣坦言感到好意外，估唔到內地當局，竟然冇安全感到不但禁止艾未未節目喺國家電視播，連畀遊客睇嘅酒店有線電視都一樣封殺，相比之下，佢覺得香港人權狀況仲可以接受。
mailto:[email protected]