【本報訊】中國人信「財不可以露眼」，一般人的心態是中六合彩頭獎「越少人知越好」，但印度裔的阿星（Singh）卻主動公告天下，成為本港極少數接受訪問的六合彩頭獎幸運兒。同是印度裔的藝人喬寶寶認為，阿星的舉動反映了印度人愛分享喜悅的文化，「喺香港唔怕嘅，喺印度就『窄窄地』喇！」
在香港，馬會近年極少公佈頭獎幸運兒的資料，傳媒鮮有機會訪問頭獎得主。不過，在世界不少地區的官方彩票活動，均會公開中獎者資料，甚至安排傳媒訪問。例如在美國加州，彩票屬政府資料，按法例必須向意欲查詢的公眾公開，當中包括中獎者姓名、購買彩票的地點、中獎日期及派彩數額等。
同鄉中頭獎，喬寶寶坦言替對方高興，又透露與阿星都是官立嘉道理爵士中學的校友，但不同班，故不認識對方。喬寶寶說，同鄉圈子昨日熱烈討論事件，「佢可能係歷來最高調嘅一個（六合彩頭獎得主）」。
同鄉勸諫：低調啲
「印度人之間嘅關係好close（密切），唔會收埋收埋，想自己嘅幸福可以分享畀人。」喬寶寶又說：「呢啲嘢整定嘅，佢四代都唔使憂，返印度直頭可以做大爺！」他相信，阿星在基層打滾多年，知道錢得來不易，會懂得珍惜，而作為教徒的阿星，應該會將部份彩金捐出，「可能捐一兩成啦，捐咗會安心啲！」
服務少數族裔、熟悉印度文化的融樂會總幹事王惠芬說：「印度人好講兄弟情，所有同鄉都當兄弟，優點係單純，開心唔開心都會分享，但佢哋冇乜機心，唔識防人，財不可露眼嘅概念好薄弱，我真係有啲替佢擔心。好多印度人喺facebook同我講，叫我如果識佢啲朋友，就勸吓佢低調啲。」
王又說，以印度人的性格，突然暴富後將錢「派街坊」並不出奇，「印度人婚禮都會派錢畀窮人，就係要分享喜悅」。王認識的印度基層中，也有不少人懂得投資理財，她希望阿星不會胡亂揮霍散盡橫財。