每過一段時間，電視總會重播《秋天的童話》，百看不厭，飾演「茶煲」的鍾楚紅感覺一如往昔，甜美動人，還多添一分成熟韻味。紅姑從來不看自己的戲，她眼中的瑕疵，是我們最難以忘懷的好戲，她說：「自己嘅戲，我冇睇，唔敢睇，好多瑕疵。」
享受拍戲感覺
近年定期有季候風吹說紅姑會復出，她說：「冇話諗住復出再拍戲，好多嘢配合，唔係話自己想復出再拍就再拍。我幾滿足現狀，所以都唔係話好想拍番電影。好似最近我拍番廣告，我就好開心，同埋以前啲工作人員，畀番個感覺，昔日嘅感覺，好鍾意，好享受。」她停了，想一想，用了幾秒時光倒流，她說：「以前太辛苦嘞，拍到唔係咁留戀，所以嗰時想有新生活，一結婚我就冇拍戲。」
大製作、高片酬、好劇本、好導演、好演員，天時地利人和，要紅姑復出，不是百分百冇可能，世事無絕對，她說：「要考慮最緊要係劇本，不過，我好適應，好滿足家嘅生活，講真唔係咁想去轉，我睇唔到有咁值得嘅製作令我犧牲家嘅生活。」