女人天性愛美，尤其是美人，對美的要求特別高，鍾楚紅對美的態度執着，而且天生敏銳。拍照時，穿着白裙的她，對背景顏色的襯托，動作企位，都非常講究，她說：「我好敏感，睇唔到冇辦法，我睇到就會奄尖喇！我有朋友仲話如果我盲咗唔同我做朋友，意思係話我嘅利用價值係對眼。」
愛食牛油鵝肝
紅姑保養得宜，又崇尚自然，難怪她到中環出巡會不施脂粉，她笑說：「我去中環梗係有嘢做，係有需要，好似我最近要去揀衫出席event，我冇諗住要化行妝出街，去catwalk咩。我化妝係為工作，平時唔會化妝，我自己連粉底都冇。」
除了減少化妝污染，日常生活也很重要，率性的紅姑愛吃喝愛享受，但懂得節制，她說：「家得閒去Reenex中心做treatment，保養吓，其實我係鍾意食嘢，我好極端，鍾意食菜要naturalingredient（天然材料），但又鍾意食肥膩嘢，牛油、鵝肝我都好鍾意，我覺得最好食係fat，所以其實要小心囉！自己要識得平衡，如果唔係好易變水桶飯桶。」