家陣科技發達，啲電腦快到你唔信，但電腦嘅最大問題，就係壞起嚟無聲無色。就好似我公司部電腦咁，只不過係換咗個零兩個月，不過日前返到公司就突然開唔到機，電腦部同事話都幾大問題，要花啲時間整。講真，買任何電子產品如電腦或者手提電話咁，都係好講彩數，好運嘅用兩三年都唔會壞，不過唔好彩起上嚟，隨時幾個月就玩完。
講開長唔長命，舊年夏天先升上英超嘅黑池，當然希望唔係得一年貨仔，下季可以繼續留喺英超。佢哋要作客贏曼聯先有機會留低，啲人吹曼聯為咗留力打歐聯，可能放畀黑池，但問題係曼聯班後備都鬼死咁堅，我唔信有奇蹟喺黑池身上出現，信曼聯贏波謝幕。
青蛙仔
星期日22
曼聯vs黑池
心水：曼聯勝[-1]
心得：紅魔班後備一樣咁掂