湖人喺季後賽出局後，教練「禪師」積遜話唔教，拜恩等又傳內訌，認真悽慘，但係啲衰嘢仲未停喎。為湖人喺80年代贏咗5次總冠軍嘅「天勾」渣巴（圖），星期三就話球會睇唔起佢，竟然冇同佢鑄造銅像，紀念佢嘅功績。查實湖人嘅史達普斯中心球場出面已豎立咗5個銅像，渣巴話晒都係NBA史上累積總得分「No.1」，又真係好應該整番個嘅！