【本報訊】著名導演谷德昭近年周身刀，開咪做主持又為卡通配音，靠把口搵食卻未有好好保養聲帶，加上睡眠不定時，結果去年發現聲線出問題，「成日痰上頸，kamkam聲」，四個月前與友人唱卡拉OK，忽然發覺自己不夠氣，甚至一度覺得頭部缺氧，有感事態嚴重遂求診，結果發現聲帶長繭，吃了兩個月西藥仍然無功而還。
由於要趕及為金像獎擔任司儀工作，他不能選擇開刀治療，最後決定求助針灸，「我好鍾意講嘢，病情影響埋我心理，個人好depress。有歌星朋友喺大陸試過針灸，叫我試吓，嗰時我決定三管齊下，針灸中藥加言語治療，每個禮拜兩次，結果我趕及去金像獎。」他笑指，經治療師教導說話技巧後，才發現自己說話方式一直在傷害聲帶，「因為以前淨係用喉嚨發聲，結果聲帶負荷好重，家係用埋個頭去做揚聲器，大大聲都冇問題。」