前晚道指升上12560，暫受制12600關，窄幅波動料不變。聯儲局4月會議紀錄提過一啲退市步驟，只係增加透明度，亦間接話畀投資者知聯儲局對於退市並唔係毫無準備，不過，咁樣唔等於好快會加息，事實上家市場並冇充份條件退市。
港股噚日升152點，收23163，只可當技術反彈，指數要突破23400一啲都唔容易。
兗煤C輪11271；兗煤（1171）收30.70元，升4.9%。股價之前升過上32元，但冇力再上，掉頭跌穿10日同20日線，反覆過後現雙底回升，噚日挾大成交突破30元關，日內會上試32元，破位睇34元，可以諗吓隻C輪11271。
隻輪現價26仙，2011年11月15日到期，行使價33.88元，溢價18.8%，引伸波幅46.9%，槓桿率11.8倍（有效5倍），正股升上34元，11271有機會見42.9仙，正股跌穿29.30元就沽咗隻輪。
俊樺