陳嘉桓同楊盼盼噚日去咗將軍澳電視廣播城，為公益金嘅籌款節目進行綵排，陳嘉桓話今次有好多高難度嘅動作，唔同平時只係武打場面，因為需要身體有較好嘅柔軟度，佢話好彩練起上嚟都無乜問題，問到陳嘉桓佢老闆有冇捐錢支持佢？佢就話：「唔知喇，師傅只係叫我呢排乜都唔好練住，總之做好呢個項目先，總之籌得越多錢越好喇。」