Mr.入行差不多四年，今年7月第二度踏上紅館，看來他們的發展比其他樂隊來得順利，故此他們一直懷着感恩的心，而且五子每次出碟、做騷定必盡100分努力，以報答歌迷的支持。
樂隊Mr.花了一年時間製作新大碟《PeopleSingForPeople》，並於7月3及4日再次踏上紅館。有很多樂隊捱很多年也未必有機會踏上紅館台板，但他們出道短短四年，已是第二次在紅館開騷，所以Mr.很珍惜每一個工作機會。
感激校長幫助
Dash說：「我哋真係好感恩，出道以嚟Eason（陳奕迅）同校長（譚詠麟）都好幫我哋，同埋有好多幕後人，呢啲係我哋嘅福氣。」Mr.的發展絕對可以用順利來形容，不過他們每當有新歌推出，就會被網民指他們抄歌，對此主音Alan覺得事情發展到含有攻擊性，他說：「開頭梗有唔開心，但慢慢覺得有啲猖狂、雞蛋裏挑骨頭，唔通寫首情歌又叫抄咩？所以唔會再睇呢啲討論區。」
為Evelyn護航
除了抄歌的新聞，成員Tom與o靚模蔡穎恩（Evelyn）的分手傳聞近日也成受追訪目標，Tom多次強調朋友是沒有分手的，更為女方講好話：「中傷人就唔好，如果咁講，我有王子病。」身邊的Ronny即為好拍檔護駕說：「我可以證明佢唔係公主病。」另外，MJ也跟形象師傳緋聞，對此他說：「係好朋友，暫時真係好多嘢做，冇時間拍拖呀。」
採訪：李珮洳
攝影：陳志嵐
化妝：VirginiaMak
髮型：Wilson（P.O.P.Hairdressing）
服裝：5cm