堪輿學家蘇民峰昨日提供的投注攻略：「今日最有利生肖係馬同蛇，財位在東南方，最有利顏色紅橙紫，其次是米黃啡，要選面向東南或位於本港東南區的投注站，九龍區係紅磡、長沙灣、九龍灣。吉時係下午1點至3點，晚上7至9點，最有利號碼首選2同7，次選5同0字尾，即係22、27、32、37……」。
土火最旺？白衫白褲？
去到投注站，他建議市民「搵個名有火同土字旁嘅員工幫你買彩票，因為今日旺火同土，同時最好搵間門口有工程做緊，風水較差嘅投注站，因為間投注站風水差就要賠錢，即係你係嗰度落注有機會贏錢」。
另一位堪輿學家吳佩孚則指全日最好時辰在今晚7時至9時，而且今日利白色，建議市民「着番件白衫，白褲，甚至戴副白框眼鏡去投注」。對於最招財投注站，他認為是在西北方，座落西環，屯門及元朗。