鄭融噚日去咗商台接受訪問，日前佢被發現喺馬灣一個屋苑同個老外嬉水，蜜運中嘅鄭融心情果然唔同啲，成日都笑笑口，仲直認嗰位老外係佢嘅新任男朋友，鄭融話：「佢係我中學同學，我哋啱啱開始，好彩家過咗三個月，其實初初開始時都好擔心，因為對方唔係圈中人。」鄭融又話自己已經搬咗去馬灣三個月，即係拍拖冇耐就同居，真係開放。