中國小姐趙哲妤（Uny）同周倩圯噚日喺大圍一間護膚品店做開幕嘉賓，Uny話接受到隆胸，但就自誇家上圍夠用，唔使再大啲喎。着低胸裙嘅Uny為醒獅點睛時，好鬼醒咁夾一夾胸，夠晒搶鏡。Uny話將會影寫真，仲話會考慮只用樹葉遮上圍嚟影。同場嘅周倩圯話最近有朋友生咗龍鳳胎，令佢好想做媽咪，可惜佢家連對象都無。