早排喺北京出騷時被大漢包圍嘅黃貫中（Paul），遇到不平事一向都會大膽直言，原來佢有支專用滅火筒，用嚟撲熄啲怒火，呢支滅火筒就係女友朱茵。問Paul幾時結婚？佢支吾以對，話好耐之前講過，不過要等女友有意先，佢就隨時候命，不過佢覺得藝人結婚好形式化，家都係忙埋手頭上嘅工作先，仲希望結婚後最少放假半年過二人世界。