裕美（左）同韓馬利（右）噚日喺柴灣拍醫學美容廣告，裕美仲好少有咁谷晒胸現身，連佢自己都話以前年紀仲細，家上圍都大咗啲。裕美話今次酬勞有六位數字，嚟緊要拍一個大露背浸spa鏡頭，要赤裸上身，所以浸落水前一定要清場。講到之前有報道話裕美一腳踏兩船，佢澄清話男友只得一個，係做音樂嘅幕後人，又話冇同張彥博拍拖喎。