花旗股市續跌，道指前晚跌穿保歷加通道中軸，報收12548，有機會下試12300才組織反彈。
市場消息幾乎是一面倒偏淡，花旗經濟數據係咁，歐債危機嘅消息亦係，商品市場亦唔見有利好消息，反映資金流向未有明確方向，投資者繼續觀望，不過呢啲時候亦係大戶部署下一輪行動嘅時候，細心留意或會搵到一些蛛絲馬迹。恒指日線圖現十字星，港股有機會反彈。
中海C輪28666：中海（688）收14.88元，升1.3%。股價近日喺低位徘徊，噚日逆市上升，靠近100日線，技術指標改善，睇個勢會上試15.50元阻力，破位會進一步推向16.30元，可以諗吓隻C輪28666。
隻輪現價12.7仙，2011年10月3日到期，行使價15.40元，溢價12%，引伸波幅44.4%，槓桿率11.7倍（有效5.6倍），正股升上16.30元，28666睇20.9仙，升幅近6成半，正股跌穿14.30元就沽咗隻輪。
俊樺