愛貓如命的周慧敏（Vivian）昨日到澳門擔任開幕嘉賓，她高興地公佈家中將會加入三位新成員，在外國購入三隻與已過身的愛貓豹哥有血緣關係的貓仔，實行延續豹哥的命脈。
澳門銀河娛樂昨日舉行開幕禮，大會請了不少港星撐場，包括周慧敏、古巨基、謝婷婷、楊愛瑾、呂慧儀和女模陳沛嘉及浸大咪神楊梓瑤等，全場最搶鏡的是陳沛嘉，低胸的她搶去了真空上陣的浸大咪神和呂慧儀風頭。
美加覓三成員
與古巨基擔任表演嘉賓的Vivian，自言與基仔是一凹一凸的最好拍檔，她又高興地向記者表示，家中將會有三位新成員加入，大家以為是Vivian與倪震成功造人，豈料Vivian說：「今年啱啱完成演唱會嘅人生大事之外，另一件人生大事係屋企將會有三位新成員。」
Vivian說：「自從豹哥走咗之後，一直搵緊豹哥同類型嘅貓，最近喺加拿大同美國搵到同豹哥有血緣關係嘅豹仔，佢哋都係豹哥走咗之後嗰日出世，三隻貓仔會7月到齊，已經改晒名。」
咪神失戀空虛
此外，昨日見浸大咪神又瘦又殘，真空上陣也沒甚麼睇頭，她說：「之前病咗，又要應付考試，瘦咗好多，啲人以為我厭食症，塊面同身都瘦晒。」早前她自爆與男友分手，可是為情消瘦？她說：「分手後都覺得好空虛，又病想搵人依靠吓，連媽咪都擔心我。」
採訪：StephenieYeung
攝影：WongWaiHung