章子怡同郭富城近期四出為新片《最愛》宣傳，而子怡日前就喺鄭州出席宣傳活動，現場有記者問佢有關娛圈情侶成日都閃電結婚或者閃電離婚嘅問題，子怡雖然避答離婚一項，不過佢都好坦白咁話，如果兩情相悅，自己都好期待閃婚！城城就好識喺微博谷新片，仲用戲中角色個名嚟同子怡飾演嘅戲中愛人隔空示愛㖭！