袁彌明同張繼聰噚日喺九龍灣出席活動，講到無綫新一屆港姐日前面試，袁彌明又寸爆無綫，話港姐質素只會一路下降，除非有更吸引嘅獎品：「得個MK嘉欣算好樣啲，冇辦法，冇邊個想選，呢幾年嘅港姐都紅唔到，冠軍都未必有嘢做，又要送手袋送錶，又要冧呢個嗰個，好艱難，刻薄又黑暗。」佢又話無綫畀得一萬幾千蚊人工，所以唔會叫朋友參選。