趙薇早前喺上海出席某品牌活動，講咗句「為了變態的觀眾必須要煎熬自己」，引起網民不滿，甚至話罷睇佢嘅電影，其實當時趙薇被問拍戲嘅動力來自邊度？佢就講笑話為咗變態嘅觀眾。為咗呢件事，趙薇噚日喺微博解畫：「今次被媒體斷章取義，記者寫文章有時只想到譁眾取寵惹人爭議。」佢話自己當時意思係觀眾會從多角度審美，對佢期待都好高。