【本報訊】上周拍賣的三幅地皮高價售出，其中元朗牛潭尾地皮更由長實（001）搶高1.2倍成交，區內業主反價封盤情況嚴重；與長實關係千絲萬縷的「新界王」劉皇發（發叔），變相成為高價搶地下的得益者，昨有消息傳出，發叔為首的炒樓團持有共約25個元朗加州花園、加州豪園及YOHOMidtown單位突然封盤，市場料該批物業現值逾1.5億元。 記者:朱連峰
受賣地刺激，元朗多個洋房式屋苑，包括加州花園、錦綉花園及葡萄園等，多達八成業主封盤反價，除用家外，持重貨的投資者也看好後市封盤不賣。
連同友人持貨 物業值逾1.5億
自09年開始，劉皇發透過兩間公司，合共斥資約1.5億元狂掃加州花園、加州豪園及YOHOMidtown共約30伙，但部份單位已摩出，被指漏報物業，搞到自己周身蟻。原來，發叔當時除自己掃貨外，有指其家族成員亦有介紹其他朋友入市，所謂有錢齊齊搵，故被業界視為炒樓團，且是元朗區最大炒家。區內代理表示，該炒樓團現時尚持有加州花園、加州豪園及YOHOMidtown共約25伙，發叔約佔19個，其餘單位由另一組本地投資者持有。據聞這批單位由發叔一名御用經紀負責打理，若其他代理有客想買有關單位，都要找這名代理負責。發叔09年狂掃YOHOMidtown，都是由這名經紀出面。
就發叔封盤一事，本報記者昨日致電這名女經紀，該經紀只表示「不清楚」，之後便掛線。
區內代理相信，由於賣地後區內業主反價封盤情況已相當嚴重，相信若發叔封盤消息傳出，區內反價封盤情況或會更嚴重。
恒信地產董事梁定年表示，受賣地刺激，加州花園及錦綉花園因業主反價封盤情況嚴重，個別更反完再反，加州花園翠栢路單號屋，1768方呎，剛兩度反價共40萬元至800萬元。另金粟徑雙號屋，2021方呎，原叫價950萬元，現勁反價15.8%至1100萬元，呎價5443元。受業主反價影響，區內交投淡靜，過去兩日只錄得兩宗成交。
新盤兩日賣70伙 現崇山最旺
區內代理表示，元朗洋房市場近年以用家為主，甚少大手投資者掃貨，08年初大旺市，有財團大手掃入錦綉花園多達10伙，但一場金融海嘯，最終撻定收場。現時在區內持貨達20伙以上的投資者或財團已不多，包括順義玻璃持有約加州花園近20伙，但主要作收租用途，不斷有貨賣的發叔炒樓團規模算近年元朗區最大。
另過去兩日一手市場共錄逾70宗成交，黃大仙現崇山佔20宗最多，其次是元朗洪水橋尚城共11宗。
劉皇發將封盤事件「交波」
劉皇發：劉 記者：記
記：發叔，聽聞你持有嘅元朗加州花園同YOHOMidtown單位全線封盤，係唔係見賣地成績好，睇好後市而封盤？
劉：你信唔信吖？呢啲道聽塗說嘅嘢，咁都好信……（記者再追問：咁即係有封盤？）收租又好，買賣又好，我都有權選擇呀！乜你哋最近冇新聞咩，又想借我做新聞呀，咁都好寫……
記：我有個地產經紀嘅朋友，噚日睇中你加州花園其中一個單位，但代表你嘅經紀話，發叔所有單位包括加州同YOHOMidtown全部都封盤唔賣！
劉：我根本都冇接觸過經紀，我好多物業都由其他家族成員持有，包括我個仔，你不如自己問吓佢啦……
記：會唔會封盤一事係由你個仔決定，但就冇通知你，所以你唔知呀？
劉：你自己打去問佢啦……（然後就掛斷線）