現年22歲嘅Kama羅凱珊，07年憑「邦民女」廣告彈起，係第一代o靚模，可惜09年佢因為扮大牌、釣金龜等負面新聞而人氣滑落，被Angelababy同周秀娜拋離。至上年九月，Kama決定離開香港去英國讀書自我增值，傳聞佢喺英國CanterburyCollege先讀一年法律基礎課程，視乎成績再決定係咪讀大學。
改名Amanda
Kama喺娛圈失蹤咗十個月，當大家已經遺忘咗佢之際，噚日有讀者同馮仁昭報料，話Kama家喺英國一間國際學校讀緊法律基礎課程，不過佢唔想同學知道佢曾經係娛圈中人，索性改名叫Amanda，仲以AmandaLo名義開咗新facebook戶口，同以前啲朋友劃清界線，家身邊只得幾個中國人朋友。
讀者提供咗張Kama喺facebook嘅新相，話佢早排趁學校放假去咗日本一、兩個星期，返到學校成個下巴都尖咗，好似去整過容。不過老實講，馮仁昭睇完張相又唔覺得佢同以前分別太大。