莫少聰早前返港舉行記者會交代在北京涉吸毒而被捕一事，之後他接受港台錄音訪問，講及與兒子張浩鋒及前女友洪欣。莫少聰表示最後一次見兒子已是多年前的事，他說：「最後一次見佢係佢識得行嘅時候，如果有機會見番，我想帶佢周圍去玩，仲想同佢講句『爸爸好掛住你』。」
恭喜洪欣結婚
問到莫少聰有否想過對兒子和前女友負責任？他說：「點會唔想，話晒係自己骨肉，但出現溝通嘅問題，提呢件事會影響到人哋家庭，希望將來有橋樑溝通。同埋當年大家都有性格，走唔埋一齊，佢結婚我當然恭喜佢，呢件事唔係你錯定我錯嘅問題。」
另外，莫少聰透露現時有一位純樸的女友，又謂與報道所指的那位女友已分手，他期望結婚生仔組織家庭，他說：「第時有小朋友嘅話，只求個細路喺我身邊。」
撰文：李珮洳