隆成集團（1225）有祖國龐大嬰兒消費市場做後盾，長賺長有，加埋高息低PE，有得諗。隆成主打嬰、幼兒產品，特別係BB車產銷。集團2010年（12月年結），純利幾乎翻咗半番到1億銀，PE得9倍，而同業PE講緊20倍樓上。又隆成呢期拓展祖國零售市場，祖國6歲以下兒童人口達1.8億人，而嚟自嬰、幼兒產品市場產值超過2000億銀人仔，隆成零售業務，又係中線另一個高增亮點。
Beforethat，隆成2011年度純利係咁易增長兩成，到1.2億銀，預期PE進一步降到8.7倍，保守息率回報起碼維持6.7厘，吸引到痹。買隆成，睇12倍PE，可到1.92元，即現價（1.39元）買入，有38%上升空間，有ChinaPlay因素，仲係平。
Joyce業績續省鏡
香江零售業暢旺，Joyce（647）2011年度（3月年結）上半年純利爆升9倍到4035萬銀，兼超過2010年全年度純利。由於祖國同胞豪得起，對中、高檔消費品需求好大，照計Joyce2011年度全年業績繼續省鏡，純利上望1億銀，預期PE由家陣37倍，大降到13倍。呢轉短打，博Joyce現價0.83元升20%到1蚊，目標PE15倍，可以接受。
錢雋