皇馬贏得西班牙盃後，沙治奧拉莫斯慶祝晚會期間跌爛盃，已經引起軒然大波，不過今屆英足盃未知花落誰家，但獎盃已經跌爛；英格蘭青年軍領隊皮雅斯，早前就帶英足盃到英軍基地，畀班兵哥參觀，點知一位兵哥竟然唔小心跌爛，盃蓋仲斜咗，好彩英足總人員事後講，獎盃損毀輕微，相信決賽前可成功修補。