史篤城論名氣同規模,同曼城都爭幾條街,亦都39年嚟再次打入大型賽事決賽;雖然賽前被看低一線,不過史篤城都好緊張,領隊佩利斯已經邀請咗球隊名宿、亦係球隊名譽主席哥頓賓士,賽前喺更衣室向隊員訓話,希望激勵隊員士氣。哥頓賓士最威就梗係助英格蘭贏66年世界盃,今次「鋼門有話兒」,睇吓可唔可以成功。