【第39屆港姐之改頭換臉】應屆港姐又嚟大起底，繼MK嘉欣被踢爆是蒲精後，另一面試佳麗、17歲的縮胸娜姐也被揭大有來頭，原來她除改名變臉外，更是無綫新主、殼王陳國強旗下的潮音樂藝人，但為參選港姐而於月前解約，無綫昨聲言無懼瓜田李下，一切以公平為大前提。
應屆港姐大前日首輪面試，率先彈出的除MK嘉欣外，貌似周秀娜的縮胸娜姐昨也被網友起底。縮胸娜姐現年17歲，原名劉家麗（Winky），曾於07年參加Yes！校花選舉，同年又簽約殼王陳國強旗下的潮音樂，與狄易達、賈曉晨等份屬同門，翌年在無綫劇集《尖子攻略》中做過啦啦隊大茄角色，但始終未被外界留意。
網友指囂張爆粗
後來劉家麗改名換姓蔚雨芯（Rainky），就連樣貌亦脫胎換骨，由大臉扁鼻變成尖臉直鼻樑，甚至身材也起變化，上圍突然發育。昨有讀者電郵本報爆縮胸娜姐唔同晒：「有時都會見到佢，但同以前唔同晒，樣加身材都係，同埋家撞到佢都唔會同熟人打招呼。」又指她家住屯門公屋，只得中三學歷，不時在網上爆粗及愛講大話云云。
裕美：唔同晒樣
潮音樂昨承認劉家麗曾是旗下藝人，今年三月她向公司表明欲選港姐，當時她約滿在即，故公司與她提早半年解約。無綫外事部副總監曾醒明昨表示，日前面試只屬初步挑選，佳麗若躋身下周複選，需向無綫證明與其他機構沒簽任何合約。縮胸娜姐曾是殼王旗下藝人，但曾謂不怕瓜田李下：「我哋係以公平做原則，同參賽者曾經係邊間機構或同TVB有乜密切關係無關。」不過在縮胸娜姐的facebook及微博檔案上，仍註明自己是潮音樂藝人。
曾與縮胸娜姐同公司的裕美昨在電話中說：「冇諗過佢選港姐，因為佢想唱歌。我見佢係一、兩年前，個樣仲好細個，唔知係化妝定點，家唔同晒樣，但佢以前嘅身材都玲瓏浮凸。」裕美又指縮胸娜姐很自信：「佢好想做呢行，亦好勤力，希望佢好。」
此外，昨有讀者指MK嘉欣洋名Jasmine，是典型蒲精，性情豪放，着三點式水着影相也奉送風騷香吻；另一貌似馬蹄露的佳麗，則被指是曾參加《超級巨聲》晉身100強的蘇慧恩。
採訪：夏琴
若讀者知道今屆面試港姐的底細，歡迎電郵至mailto:[email protected]報料。