咪以為啱啱離開南華嘅畢特好文靜，有時都好鬼馬。前曼聯名將史譚（右）日前爆料，話佢效力曼聯期間最過癮嘅一件事係發生喺更衣室。話說某日賽後，成班紅魔沐浴更衣，畢特突然拎住個熱水煲想辣落舒米高（左）臀部，點知剛啱舒米高轉身，辣臀部變辣中男人最痛。舒米高不愧一代鋼門，反應奇快，追趕畢特之前仲趕得切拎條毛巾包住自己……。其他隊友點？當然笑到肚攣！
